إيه وجه الشبه بين عمرو دياب وبين مارك مؤسس فيس بوك؟ 🤔
..
تعالوا نشوف.... 😎
..
سواء بتحب عمرو دياب أو لأ، متفق مع اللي بيقدمه أو لأ، لكن محدش ينكر إن إستمراريته في النجاح لأكتر من 30 سنة دي حاجة ملهمة جداً 😍 ... ياما نجوم طلعوا كسروا الدنيا وبعدها محدش سمع عنهم ... ونفس الحال بالنسبة للفيس بوك اللي بقاله 14 سنة متصدر وبينجح ويكبر كل يوم رغم إن مواقع كتير حققت نجاحات كبيرة وبعدها راحت عليها
..
ناس كتير بتفسر إن سر الاستمرارية في النجاح هو (تطوير المضمون) بشكل مستمر، وده صح 100 في الـ 100 👌 لكن الحقيقة إنه مش ده السر الوحيد ... فيه سر تاني قوي ومؤثر جداً وناس كتير بتهمله وهو (تطوير الشكل الخارجي)
..
طب إيه الفرق؟
..
بص يا سيدي فيه كتير بيطوروا مضمون وجوهر شغلهم بس بيهملوا تجديد الشكل الخارجي 😮 ، فبتفضل الناس مش حاسة بالتغيير إلا لما يجربوا شغلهم لأنهم شايفين الشكل الخارجي زي ما هو ... زي بالظبط محل بيجدد منتجاته من جوه بس بره سايب نفس اليافطة الخشب المتربة ونفس ألوان الحيطان الباهتة ونفس الإضاءة الصفراء الضعيفة، هنا غالباً الناس مش هتحس بأي تجديد 😣 ... وعلى العكس ممكن مثلاً نوع عصير معين مجددش حاجة في العصير من جوه بس عمل تجديد لشكل العلبة وألوانها واللوجو، فتلاقي المبيعات زادت بشكل ملحوظ علشان الناس حست إنه متجدد ولسه حي
..
عمرو دياب ومارك مؤسس فيس بوك عباقرة بقى في الموضوع ده ... إوعى تفتكر إن لما عمرو دياب يطلع في كل ألبوم بشكل مختلف وتسريحة شعر جديدة وستايل لبس مختلف إن دي حاجة معمولة للرفاهية أو المنظرة 😎 ... الراجل ده أذكى من كده بكتير، هو عاوز يوصل لجمهوره دايماً إنه متجدد وصاحي وموجود وكل يوم بيرجع شباب أكتر من الأول 💪 ... والموضوع بيبقى أجمل لما الألبوم نفسه يبقى فيه كلمات وألحان بفكر جديد، هنا بيبقى جمع بين (تجديد المضمون + تجديد الشكل الخارجي) ودي الصورة الأقوى
..
وده نفس اللي بيعمله مارك بالظبط لما تلاقيه جدد حاجات بسيطة في شكل الفيس بوك كل شهر زي شكل أيقونة هنا وشكل زرار هنا 📬 ... حاجات تحسها تافهة وملهاش لازمة بس هو عاوز يروشك عاوزك وانت قاعد مع صحابك على القهوة تقعد تقول (شوفتوا مارك عمل إيه) عاوزك تحس إن فيس بوك ده ليل نهار بيطور من نفسه حتى ولو في الشكل الخارجي
..
فكر كده وبص حواليك هتلاقي تجديد الشكل الخارجي حاجة أهم وأخطر مما كنا نتخيل، وإننا بسببه حكمنا على حاجات كتير إنها لسه قوية وحاجات تانية إنها راحت عليها
..
تعالوا نشوف.... 😎
..
سواء بتحب عمرو دياب أو لأ، متفق مع اللي بيقدمه أو لأ، لكن محدش ينكر إن إستمراريته في النجاح لأكتر من 30 سنة دي حاجة ملهمة جداً 😍 ... ياما نجوم طلعوا كسروا الدنيا وبعدها محدش سمع عنهم ... ونفس الحال بالنسبة للفيس بوك اللي بقاله 14 سنة متصدر وبينجح ويكبر كل يوم رغم إن مواقع كتير حققت نجاحات كبيرة وبعدها راحت عليها
..
ناس كتير بتفسر إن سر الاستمرارية في النجاح هو (تطوير المضمون) بشكل مستمر، وده صح 100 في الـ 100 👌 لكن الحقيقة إنه مش ده السر الوحيد ... فيه سر تاني قوي ومؤثر جداً وناس كتير بتهمله وهو (تطوير الشكل الخارجي)
..
طب إيه الفرق؟
..
بص يا سيدي فيه كتير بيطوروا مضمون وجوهر شغلهم بس بيهملوا تجديد الشكل الخارجي 😮 ، فبتفضل الناس مش حاسة بالتغيير إلا لما يجربوا شغلهم لأنهم شايفين الشكل الخارجي زي ما هو ... زي بالظبط محل بيجدد منتجاته من جوه بس بره سايب نفس اليافطة الخشب المتربة ونفس ألوان الحيطان الباهتة ونفس الإضاءة الصفراء الضعيفة، هنا غالباً الناس مش هتحس بأي تجديد 😣 ... وعلى العكس ممكن مثلاً نوع عصير معين مجددش حاجة في العصير من جوه بس عمل تجديد لشكل العلبة وألوانها واللوجو، فتلاقي المبيعات زادت بشكل ملحوظ علشان الناس حست إنه متجدد ولسه حي
..
عمرو دياب ومارك مؤسس فيس بوك عباقرة بقى في الموضوع ده ... إوعى تفتكر إن لما عمرو دياب يطلع في كل ألبوم بشكل مختلف وتسريحة شعر جديدة وستايل لبس مختلف إن دي حاجة معمولة للرفاهية أو المنظرة 😎 ... الراجل ده أذكى من كده بكتير، هو عاوز يوصل لجمهوره دايماً إنه متجدد وصاحي وموجود وكل يوم بيرجع شباب أكتر من الأول 💪 ... والموضوع بيبقى أجمل لما الألبوم نفسه يبقى فيه كلمات وألحان بفكر جديد، هنا بيبقى جمع بين (تجديد المضمون + تجديد الشكل الخارجي) ودي الصورة الأقوى
..
وده نفس اللي بيعمله مارك بالظبط لما تلاقيه جدد حاجات بسيطة في شكل الفيس بوك كل شهر زي شكل أيقونة هنا وشكل زرار هنا 📬 ... حاجات تحسها تافهة وملهاش لازمة بس هو عاوز يروشك عاوزك وانت قاعد مع صحابك على القهوة تقعد تقول (شوفتوا مارك عمل إيه) عاوزك تحس إن فيس بوك ده ليل نهار بيطور من نفسه حتى ولو في الشكل الخارجي
..
فكر كده وبص حواليك هتلاقي تجديد الشكل الخارجي حاجة أهم وأخطر مما كنا نتخيل، وإننا بسببه حكمنا على حاجات كتير إنها لسه قوية وحاجات تانية إنها راحت عليها
أحمد ماهر
3 أكتوبر 2018
