عارف لما بتحتار بين حاجتين وتقعد بالليالي مبتنامش عشان نفسك ترسى على حل والحيرة هتموتك
غالبا غالبا غالبا الحاجتين اللي انت محتار بينهم دول ينفع يتقسموا على التصنيفين دول :
1 - حاجة عاوزها قلبك
2 - حاجة عاوزها عقلك
اذا قدرت تقسم الحاجتبين للتصنيفين دول فالموضوع شبه محسوم خلاص لأن العقل غالبا بيكون هو الصح .. بس الفكرة كلها ان مش سهل على الانسان انه يخالف هواه ويختار حاجة مخالفة لقلبه خاصة ان العقل مش بيتعامل غير مع الحقايق والمنطق والنظريات لكن القلب بيتعامل مع الهوى والمشاعر والتعلق بالشيئ
عارف لما بتروح تحكي لواحد صاحبك على حيرتك عشان يساعدك في انك ترسى على حل .. الحقيقة (اللي جواك) انك رايحله عشان يقويك على نفسك وعلى هواك ويخليك تختار طريق عقلك او على النقيض تماما انك اختارت الانسان الوحش عشان عارف ان ده اكتر انسان هيقدر يخدرلك ضميرك ويبينلك ان طريق قلبك هو الصح
القصة مش قصة ان دايما القلب بيكون على غلط .. احيانا بيكون قلبك على حق لكن لو اتعارض مع عقلك يبقى لازم تقف مع نفسك وتراجع نفسك بمنتهى الانصاف ^_^
أحمد ماهر
19 فبراير 2014
